Sasoiko fruta eta barazkiak erosten ari dira gehienbat: tomatea, luzokerra, piperra, meloia, angurria, jogurta, gatza, gari-irina eta abar. 

 

Ospitaleko menuko plater batzuk elikagai ekologikoekin egiten ari dira, gazpatxoa, entsaladak edo bizkotxoa, esaterako. Eta negurako beste fruta batzuk sartzea aurreikusten da, horien artean kiwia eta sagar barietate ezberdinak. Helburua da pixkanaka Nafarroako produktu ekologikoen eskaintza handitzea eta beste sektore batzuetako elikagaiak sartzea: glutenik gabeko produktuak, esnekiak…

 

CPAEN/NNPEKrentzat urrats handia da, lehen aldiz, Nafarroako ospitale publiko batek elikagai ekologikoak sartzea, osasunean, ingurumenean eta lurraldean duen eraginarekin. Urte hauetan guztietan egindako lanaren ondorioz, bai CPAEN/NNPEKek bai Nafarroako Unibertsitate Ospitaleak oso positibotzat jo dute ekimena, Nafarroan erosketa publiko jasangarria indartu eta hedatzen duelako, eta horrek zuzenean eragiten diolako Nafarroako sektore ekologikoari. Ekoaldek hornituko ditu elikagaiak, irabazi asmorik gabeko elkarteak, Nafarroako 65 ekoizle eta elaboratzaile ekologiko ordezkatzen dituenak.

 

Ekintza honekin, Nafarroako Unibertsitate Ospitalea aitzindaria izan da eremu soziosanitarioan pazienteei eskaintzen dizkien menuetan elikagai ekologikoak sartzen; bide hori orain hasiko da, eta inplikatutako erakunde guztiek espero dute ibilbide luzea izatea.

 

Nafarroako Unibertsitate Ospitalean garrantzi handia ematen zaio pazienteen elikadura egokiari, haien osasuna hobetzen eta sendatzen lagunduko duelako ebidentziaren aurrean. Bestalde, ingurumenaren jasangarritasunari laguntzea beharrezkoa da, kalitate handiko bertako elikagai ekologikoen kontsumoa bultzatuz.

 

Elikagai ekologikoen ekoizpenean, produkzio-ziklo naturalak errespetatzen dira, eta trazabilitate jakin bati lotuta daude, sorotik mahairaino. Gainera, hurbileko elikagaiak badira, ingurumena zaintzen dugu aztarna ekologikoa murriztuz eta lurraldearen garapenean laguntzen dugu, onura sozioekonomiko eta kulturalekin.